اسامہ آپریشن کو تین سال مکمل ،دو ہیلی کاپٹرز کی تفصیلی رپورٹ

(ایجنسیز)
ایبٹ آباد آپریشن کو تین سال مکمل ہو گئے ہیں ، دو مئی 2011 ءکو امریکی نیوی سیلز نے ایبٹ آباد میں القاعدہ کے سربراہ اسامہ بن لادن کو ہلاک کیا۔

2 مئی رات ایک بجے ایبٹ آباد کی فضاء میں اچانک تھرتھراہٹ پیدا ہو گئی پاکستان ملٹری اکیڈیمی کاکول سے متصل پہاڑوں کی جانب دو ہیلی کاپٹر پرواز کرتے آ رہے تھے۔دونوں ہیلی کاپٹر اکیڈیمی سے 800 میٹر دور آبادی میں دو منزلہ عمارت کے پاس رکے ، ایک ہیلی کاپٹر نے مکان کے صحن میں ایمرجنسی لیڈنگ کی پھر تباہ ہو گیا۔ایبٹ آباد کے بے خبر شہری حیرانی اور خوف کی کیفیت میں گھروں سے باہر آ گئے۔سترہ کینال



پر محیط گھر میں ہیلی کاپٹروں سے 20 سے قریب کمانڈوز اترے اور آپریشن شروع کر دیا ، اس وقت خوفناک فائرنگ کی آوازیں بھی سنائی دیں پھر 40 منٹ بعد ایک ہیلی کاپٹر واپس چلا گیا۔سیکیورٹی فورسز نے علاقے کو گھیرے میں لے لیا اور تمام رات کیاس آرائیوں میں گزر گئی ۔ پاکستانی وقت کے مطابق صبح سات بجے امریکی صدر باراک اوباما نے اعلان کیا کہ پاکستان میں کسی ہائی پروفائل ویلیو ٹارگٹ کو ہٹ کیا گیا ہے پھر دن 11 بج کر 35 منٹ پر امریکی صدر نے قوم سے خطاب کیا کہ امریکی سپیشل فورسز نے ایبٹ آباد میں آپریشن کر کے القاعدہ کے سربراہ اسامہ بن لادن کو ہلاک کر دیا گیا ہے۔